Dy rinj nga Saranda arrestohen pasi në mjetin në të cilin ato udhëtonin është gjetur një sasi prej 6 kg kanabis.
Burime zyrtare të policisë bëjnë të ditur se janë kapur në flagrancë David Luca, 24 vjeç, nga fshati Shëndëlli i Konispolit dhe Ervin Sinomati, 26 vjeç, nga fshati Gjashtë i Sarandës.
Të rinjtë kanë qenë duke udhëtuar me mjetin e tyre tip “Volkswagen”, në rrugën nacionale Gjirokastër-Sarandë dhe janë kapur nga policia në vendin e quajtur “Qaf Muzinë”.
Policia ka sekuestruar sasinë e lëndës narkotike, e cila është konstatuar në brendësi të tapicerisë, mjetin tip “Volkswagen”, si edhe 3 aparate celular.