Tre persona janë lënduar si rezultat i një aksidenti të komunikacionit që ka ndodhur sot në Lluzhan të Podujevës.
Lajmi është konfirmuar nga zëdhënësja e policisë rajonale për Prishtinë, Flora Ahmeti.
“Sot, rreth orës 14:00, në rrugën Prishtinë-Podujevë, në fshatin Lluzhan ka ndodhur një aksident komunikacioni me lëndime trupore ku janë të përfshira një autobus dhe një kamion. Në këtë aksident lëndime trupore kanë pësuar tre persona dhe të njëjtit janë dërguar për tretman mjekësor”, ka thënë Ahmeti.
