Policia e Kosovës përmes raportit 24 orësh ka njoftuar se gjatë ditës së djeshme në Vushtrri ka arrestuar një të dyshuar/femër të nacionalitetit shqiptar, pasi e mitura kishte inskenuar kidnapimin e saj.
“Është arrestuar e dyshuara femër K-shqiptare e moshës së mitur, pasi që e njëjta kishte inskenuar se ishte kidnapuar nga një i dyshuar mashkull K-shqiptar”, thuhet në raportin policor, përderisa rasti është klasifikuar si lajmërim apo kallëzim i rrejshëm.
Me urdhër të prokurorit pas intervistimit e dyshuara është liruar dhe rasti shkon në procedurë të rregullt.