Një plaçkitje si nëpër filma ka ndodhur dje në Gurrakoc të Istogut. Ngjarja ka ndodhur në lagjen Ferataj.
Dy persona në mes të ditës kanë trokitur në një nga shtëpitë e lagjes Ferataj ku janë shfaqur kinse po kërkojnë ndihma për bamirësi.
Në një diskutim me një femër që në atë kohë ishte e vetme në shtëpi, një burrë dhe një grua janë futur në shtëpi nën kërcënimin e armëve.
Pasi kryen hajninë për disa minuta, burrë e grua janë larguar në drejtim të panjohur.
Rastin për Indeksonline e ka konfirmuar edhe zëdhënësi i policisë për Rajonin e Pejës, Xhevat Ibraj.
