Vetura përfundon brenda një supermarketi

Kronikë e zezë

Vetura përfundon brenda një supermarketi

Më: 24 mars 2018 Në ora: 08:58
Pamje nga vendi i ngjarjes

Ky është momenti tronditës kur një veturë humbi kontrollin dhe u fut në një supermarket në West Yorkshire në Angli.

Fatmirësisht nuk pati viktima por vetëm dëme materiale.

Pronari i marketit, Kiran Patel, 61 vjeç, në momentet që ndodhi shembja e rafteve tha se ishte me fat që askush nuk u godit nga automjeti që doli jashtë kontrollit.

Ai tha se është hera e katërt që një incident i këtij lloji ka ndodhur në 27 vite në dyqanin e tij, White Lee në Batley, West Yorkshire.

“Kam mbaruar duke i shërbyer klientëve dhe u ktheva për të shkuar në një raft të dyqanit që kemi. Pastaj dëgjova një përplasje të madhe dhe u ngjesha menjëherë në banak. Vura re se kishte një makinë brenda dyqanit. Ishte shkatërruar gjysma e dyqanit tim, nuk mund ta besoja. Është kaq e rrezikshme dhe dikush mund të vritej kaq lehtë”, tha Patel.

Patel beson se makinat do të vazhdojnë të përfundojnë duke shkatërruar biznesin e tij të dashur nëse nuk merren masa.

Sot mund të lexoni Shfletoni kopertinat