Një person ka informuar policinë se ka vërejtur një mjet të pashpërthyer në fshatin Keqekollë të Prishtinës.
Njësitë policore kanë siguruar vendin e ngjarjes, ndërsa njësiti për deminim i FSK-së ka bërë asgjësimin e mjetit në mënyrë të kontrolluar, pa ndonjë incident.
Edhe në Shajkovc të Podujevës është gjetur një mjet i pashpërthyer. Njësitë policore kanë siguruar vendin e ngjarjes, ndërsa njësiti për deminim i FSK-së dhe KFOR-it kanë dalë në vend të ngjarjes dhe kanë tërhequr mjetin shpërthyes pa ndonjë incident.
Të dyja rastet kanë ndodhur dje, thuhet në raportin e sotëm policor.
