Tre automjete janë djegur njëra pas tjetrës në orët e para të mëngjesit të sotëm në qytetin e Vlorës.
Njëri nga automjetet është djegur në lagjen “Bishan” dhe 2 prej tyre në lagjen “24 maji”.
Automjeti tip “Fouristradë” dhe mjeti tip “Benz” janë gjetur të djegura rreth orës 01:45. “Benzi” rezulton në pronësi të shtetasit Ermelind Abazi.
Ndërsa automjeti tip “Volkswagen Polo”, i gjetur në fshatin Bishan rezulton në pronësi të shtetasit Klement Troka.
Nga djegia e automjeteve nuk ka persona të lënduar.
Nga veprimet e para hetimore ka rezultuar se djegia e automjeteve ka qenë e qëllimshme. Policia ndodhet në vendngjarje dhe po heton për të zbardhur ngjarjet.
