Një 46-vjeçar shqiptar u vu në prangat e policisë italiane pasi u kap me makinën të mbushur me drogë.
Sipas mediave vendase patrullimi rutinë nga policia rrugore e Modena-s, vuri re një makinë tip “Fiat Bravo”, e cila rezultoi e pa regjistruar dhe me një urdhër-bllokimi për arsye tatimore, lëshuar nga “Equitalia” në 2016-ën.
Por gjatë kontrollit vjen edhe “surpriza”.
Në një hapësirë ku vendoset goma rezervë u gjet një çantë me rreth 1 kg kokainë të pastër.
Nëse droga do të dilte në treg, kapte vlerën e 200 mijë eurove.
Identiteti i shqiptarit nuk bëhet i ditur, por ai ka qenë me precedentë të mëparshëm penalë.