Një aksident ka ndodhur në orët e para të mëngjesit të sotëm në aksin rrugor Elbasan-Peqin, në fshatin Broshkë.
K.H., 31vjeç, banues në fshatin Bishqem, Peqin, duke drejtuar mjeti tip “Ford”, me targa AA 567 TU, ka humbur kontrollin e mjetit dhe është përplasur me murin e një lokali i cili ndodhej në anë të rrugës.
Si pasojë e përplasjes janë aksidentuar S.H., 33 vjeç banues në fshatin Bishqem, si dhe bashkëshortja e tij F. H., 39 vjeçe, të cilët ndodhen në spitalin e Elbasanit, nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
