Një 31-vjeçar u arrestua në flagrancë nga policia në Tepelenë pasi gjatë një sherri ka tentuar të vrasë me thikë një 58-vjeçar.
Edmir Korçari, 31 vjeç, banues në Fier u vu në pranga pasi në hyrje të qytetit për motive të dobëta, ka debatuar e më pas ka tentuar të vrasë me thikë shtetasin O.D, 58 vjeç, banues në Fier, duke i shkaktuar plagë të lehta.
Në cilësinë e provës materiale u bë sekuestrimi i thikës si dhe 1700 lekë.
Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për veprat penale të parashikuara nga nenet 76, 22 dhe 279 të Kodit Penal.