(E plotësuar)- Dyshohet se 54-vjecarin në Lipjan sot rreth mesditës e vrau vëllai i tij
Zëdhënësja e Policisë rajonale të Prishtinës, Flora Ahmeti, ka deklaruar se sot rreth orës 13:00, policia është njoftuar për vrasjen e një personi në Lipjan.
“Sot rreth orës 13:00 kemi pranuar informatën për nje rast vrasje në fshatin Tërbovc të Lipjanit. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes”, ka thënë ajo.
“Me të dalë në vendin e ngjarjes policia ka konstatuar se ka të bëj me vrasje, ku viktima: M.G. mashkull, 54 vjeç, duke mos mundur tu përballoj plagëve të marra nga arma e zjarrit ka ndërruar jetë. Vdekjen e viktimes e ka konstatuar ekipi mjekesor ne vendin e ngjarjes. Aktualisht policia me një intensitet të shtuar ka ndërmarrë një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin. Personi i dyshuar është identifikuar dhe po kërkohet nga ana e policisë”
Koha merr vesh se i dyshuari që po kërkohet nga policia është vëllai i viktimës.
Vritet një person në Lipjan, policia jep detaje
Një person i moshës 54-vjeçare është vrarë sot në fshatin Tërbovc të Lipjanit.
Lajmin e ka konfirmuar Zëdhënësja e Policisë për Rajonin e Prishtinës, Flora Ahmeti, e cila tha se policia me një intensitet të shtuar ka ndërmarrë një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin.
‘Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Me të dalë në vendin e ngjarjes policia ka konstatuar se ka të bëj me vrasje , ku viktima: M.G. mashkull, 54 vjeç, duke mos mundur t’ju përballojë plagëve të marra nga arma e zjarrit ka ndërruar jetë. Vdekjen e viktimës e ka konstatuar ekipi mjekësor ne vendin e ngjarjes’, ka thënë më tej Ahmeti.
Personi i dyshuar është identifikuar dhe po kërkohet nga policia.
