Dogana kap sasi të konsiderueshme të duhanit

Kronikë e zezë

Dogana kap sasi të konsiderueshme të duhanit

Më: 9 shtator 2018 Në ora: 14:39
Duhani

Njësitë e doganës gjatë një aksioni të organizuar me qëllim të parandalimit të kontrabandës me duhan kanë arritur të kapin sasi të konsiderueshme të këtij produkti.

Pas sigurimit të informatave përmes rrugëve operative mbrëmë rreth orës 20:30  në rajonin e Podujevës ekipet e doganës kane ndaluar një kamion që transporton kafshë dhe e cila tentonte të dilte nga territori i Kosovës në pikë-kalimin  kufitar të Merdares.

Pas kontrollit detaj në hapësira të fshehura (të ndërtuara për kontrabandë) janë gjetur  480 mijë copë cigare "Chesterfield' dhe 20 mijë copë cigare "Pall Mall" që të gjitha me banderola të Maqedonisë  (total 50 pako të mëdha).

Pas gjetjes së kësaj sasie në konsultimin me prokurorin kompetent malli është sekuestruar ndërsa i dyshimti është intervistuar dhe dërguar në paraburgim. Ndaj të dyshimtit është proceduar kallëzimi penal për shmangie tëe pagesës se taksave rreth 30 mijë euro.

Image
commentFirst article
Sot mund të lexoni Shfletoni kopertinat