Një person ka mbetur i vdekur si pasojë e një aksidenti që ka ndodhur sonte në Pejë.
Lajmin për kallxo.com e konfirmoi zyrtari për informim i Policisë së Pejës, Driton Rugova.
Sipas Rugovës, rreth orës 22:40, Policia ka marrë një informacion se ka ndodhur një aksident në Pejë.
“Në aksident kane qenë të përfshirë një veturë dhe një biçiklist. Si pasojë e aksidentit biçiklisti ka humbur jetën. Vdekjen e tij e ka konstatuar ekipi mjekësor. Për rastin është njoftuar edhe Prokuroria”, tha Driton Rugova.
I dyshuari është arrestuar dhe i njëjti me urdhër të prokurorit është dërguar në mbajtje.