Një 57-vjeçar u arrestua nga Policia pasi ka goditur për shkak të detyrës një jurist në Hipotekën e qytetit.
Specialistët për Hetimin e Krimeve në Komisariatin e Policisë Fier, arrestuan A. Shanaj, 57 vjeç. Sipas policisë, ai ka kërkuar shërbim për të cilin nuk kishte bërë aplikim më parë dhe pas konfliktit me fjalë ka goditur me grushte brenda institucionit, juristin, D.H, 30 vjeç.
Ai do të hetohet nga Prokuroria e Fierit për veprën penale "Goditje për shkak të detyrës".