-Fishtiane
Emrin Shqipëri kush ta mban gjallë
Veç heronjve që i lindin shqipe e zanat
Këto troje kush me shpirt t'i ka rujtë
Çlirimtarët që derdhen gjakun sikur ujin
S'është me rëndësi a më linde vajzë a djalë
Ti Shqipëri që më dhe emër të qofsha falë
Mos më ik Shqipëri nga sytë e mi
Të përbejë në shpatën e Gjegjit
Në pesë shekujt e robërisë së ferrit
Dhe njëqind të dreqit e të birit
Mendo Vlorën e flamurit
Mos harro burrërinë e Isa burrit
Pse mbete Shqipëri kaq e cungueme
Dije bre nga sa shtriga je e rrethueme
Ty Shqipëri të qofsha falë
Për lumturinë që ma ke ngjallë
Jam biri yt për jetë e mot
Të jemi betue në Kastriot
Mos shiko as tradhëtarët e ri
As të huajin vëlla nuk e ke
Ec përpara drejt kushtrimit
Me uratën e bashkimit
Një e drejtë që zoti na ka falë
Me jetue së bashku si shqiptarë
Mos me jetue kurrë ma të ndarë.
15 VIII.2021 AGIM DESKU
PELLAZGËT JETUAN KËTU
(Mbrëmë në lokalitetin e lashtësisë në Dresnik)
Nga flaka e diellit
Krijuan dritën e syve
Bota u zgjua nga vërbërimi
Në të njëjtën tokë me Homerin
Lindem për të mos urrye njeriun
Të pagëzuar në hyjët e legjendave
Nëpër beteja jetuam
Herë si çlirimtar u betuam
Edhe pse ferr na u bë bota
Në tokën e ëndrrave
Botës ia krijuam lirinë
Në Amfiteatrin e Butrintit
Një copë lashtësie mbrëmë takova
Në Dresnikun e mbretëreshës Ularicë
Dhe bota pati frikë
nga drita pellazge e diellit
Nga urrejtja sërish u vërbue
Por Promethetë s'vdesin
Pa u shue liria për jetën e Adamit
Jemi me fat për dashurinë e Eves
Edhe pse përjetuam Ferrin e Dantes
Pesë shekuj jetuam si bijë të Gjergjit.
LETËR E PA LEXUAR
E di së janë shkrue shumë letra të pa lexuara
E mendova ta zgjoj heshtjen që më plasi
Më 1912 ishte Isa Buletini në Vlorë kur u shpallë Pavarësia
Në këtë letër dua t'i kujtoj dy kongreset famkeqe
Kongresin e Berlinit dhe Konferëncën e Londrës
Ku Shqipërisë iu mor gjysma e Shqipërisë
Burgu i vetëm i Evropës mbetëm ne shqiptarët
Të plaqkitur,të rrahur e të sharë e në fund edhe të vrarë
Në tokën tonë të shenjtë pa të drejta e pa liri
Nuk ishim pushtues si fqinjtë tonë
Çfarë faji na randon pse neve na masakruan
Bijtë ma të mirë na i zhdukën para syve të nënave
Evropa i ka mëkatët e veta dhe duhet të na bashkoj
Ashtu siç ishim para kongreseve të ndarjeve
Të na kërkojnë falje tërë bota
Dua të dëgjojmë këngë të bashkimit jo të ndarjes
Rrugën për Evropë e kemi trasue me gjakun e çlirimtarëve
Tjetër udhë nuk na vyen përpos Rrugës së Kombit
Fqinjtë kanë shumë mëkate të hidhura ndaj nesh
Për hirë të pakicës së vet
Ata duhet më na kërkue falje për gjenocidin ndaj neve
Pastaj vjen dëmshpërblimi
Evropa nëse do më qenë e lirë dhe e bashkuar
Me neve e pa vrasës
Ose me vrasës e pa neve.
PUSHTETI I FJALËS
Dikur fjala ishte pushtet i së bukurës në jetë
Ligj i së vërtetës për të qenë krenar njeriu
Sot sërish më i kthye njëqind vitet mbrapa
Nuk e di a do të gjen ma pushtet të fjalës sê artë
Secila lagje tani i ka pranë kalorësit e apokalipsit
Me të cilët shquhen për patriotizmin e ëndrrave
Histori e zemrave të vrara thellësive të Titanikut
Njerëz që ia vyshkën gjethet trëndafilit tim
Dhe eci për t'u pagëzue me udhën e kombit
Nëse prapë do të shkrihem në qiriun e Naimit
Dua të jetoj një natë në zjarret jasharjane
Më ia zgjatë dorën e Shen Terezes shekullit të ri
Në pushtetin e jetës fjalën e mora si art të artë
E fala në çdo vend deri aty ku s'kishte fare njeri
U përlota për lotët e mërgimtarit të lëna kujtim
Nëse do të kthehet me rikthimin e dallëndysheve
Shumë të marrë ia kanë marr pushtetin fjalës
Për t'u ba përandor të pushtetshën të saj
Nuk çajnë kokën nëse liria iu duhet në jetë
Dua të luftoj për t'ia kthye fjalës pushtetin e saj.
S'DUHET FYTYRË ENGJËLLI MË U BA I HUAJ
Nëpër sëcilin shekull lindin heronj të rinj
Por lindin edhe me fytyra të Moisiut të vjetër
Sikur vrapojnë kush t'i këndoj më mirë hutinit
Për t'u bërë argat i djallit dashurisë së harruar
Apokalipsat në prita rrinë për ta vrarë shekullin e brishtë
Nuk e kanë jetën e gjatë e thonë metereologët
Ndoshta betejat shdërrohen në një stuhi shiu
Pas mijëra vjet betejash më erdhi pak gëzim lirie
Në gjysëm të saj ende ne rrimë diku peng ferri.
13 gusht 2021 AGIM DESKU
