Një fund tragjik ka patur aktori brazilian Domingos Montagner. Mediat braziliane shkruajnë se aktori ka humbur jetën tragjikisht në sheshxhirim, ku po xhirohej telenovela “Velho Chico”.
Aktori 54 vjeçar, pasi kishte mbaruar xhirimet, ishte futur në lumë për të notuar së bashku me kolegen e tij, Camila Pitanga, por është rrëmbyer nga rrjedha e lumit dhe ka humbur jetën.
Aktorja Camila Pitanga kishte kërkuar ndihmë, por policia vendase nuk ndërhyri për të shpëtuar 54vjeçarin, pasi menduan se aktorët po xhironin një skenë filmi.
Më pas, policia nxori trupin e Montagner, rreth 300 metra larg vendit ku ishte mbytur. Aktori i njohur i telenovelave, Domingos Montagner ka lindur në San Paolo dhe përpara se të bëhej aktor punonte në cirk. Ai ishte i martuar prej 14 vjetësh me aktoren Luciana Lima, me të cilën kishte 3 fëmijë.
Vendi ku po notonte aktori njihet si një ndër zonat më të rrezikshme në qytetin e Caninde dhe zakonisht shmanget nga vendasit. Një person mbytet pothuajse çdo vit duke filluar në këtë zonë, ndërsa vdekja e aktorit të njohur brazilian ka tronditur kolegët dhe fansat e tij, të cilët e kanë shprehur trishtimin në rrjetet sociale.
