Aty ku ka burra nuk prishet kuvendi
S’ka ndërskamca , pasojni as hasmëri
Me të tillë burra krenohet vendi
Që me vizionin e tyre sjellin lumturi.
Aty ku ka burra , fjala me peshë dëgjohet
E dashuria në mes të njerëzve sa vjen e lulëzon
Gëzimi për të jetuar e punuar çdo ditë shtohet
Në çdo zemër mendimin për të mirën e fuqizon.
Aty ku ka burra , harmonia sa vjen e shtohet
Aty është dija në harmoni me moralitetin
E vlera e njeriut-njeri gjithmonë çmohet
Se në mendje e shpirt e kanë sinqeritetin .
Aty ku ka burra , aty buron lumturia
Rritesh e piqesh për të qenë plotësisht njeri
Shtohet vrulli i jetës , rritet atdhedashuria
Se burrat me namë ndriçojnë si kandili.
Aty ku ka burra , aty ruhet e çmohet uniteti
Vend nuk kanë gjelozia , smira as tradhtia
Se aty ekziston nderi , vizioni e sinqeriteti
Për atdhe shtohet e ruhet me të madhe besnikëria .
Për t’ia kthyer buzëqeshjen dhe bukurinë jetës
Aty ku ka burra i merituari çmohet
E kjo të bën të lumtur për përparimin e ndërgjegjes
Kësaj vlere të madhe gjithkush i gëzohet.
