Dy vjet pas vendimit që “Artet” të jetë lëndë me zgjedhje në gjimnaze, rezulton që nxënësit e zgjedhin pak ose aspak. Vëzhgimi i “Arkapias” dhe specialistët e ftuar në studio ngrenë shqetësimin për zhvlerësimin e një lënde që do t’i ndihmontë fëmijët e të rinjtë në përpunimin e imagjinatës dhe ndjeshmërisë, dhe për krijimin e raporteve më të mira me botën. Lëndë që, sipas të ftuarve tanë, do duhej të ishte në kurrikulën bazë së paku përgjatë 8 viteve. Sot të njëjtin fat me lëndën që i njeh me artin botëror ka edhe historia e artit shqiptar.
Në studio Romir Zalla, Suzana Varvarica, Oltsen Gripshi. Të dielën ora 21:00.
