‘Së shpejti do të futemi në grevë urie’, dramë rreth Teatrit Kombëtar - Bota Sot
‘Së shpejti do të futemi në grevë urie’, dramë rreth Teatrit Kombëtar

Kultura

E premte, 20 korrik 2018

‘Së shpejti do të futemi në grevë urie’, dramë rreth Teatrit Kombëtar

Më: 20 qershor 2018 Në ora: 22:16

Ka vijuar e sot pasdite protesta e artistëve në mbrojtje të godinës së Teatrit Kombëtar. Aktori Arben Derhemi e nisi fjalën e tij me një interpretim, për ti ftuar më pas të gjithë qytetarët, që ti bashkohen jo vetëm me zemër kauzës së teatrit, por edhe fizikisht. Sipas tij, nëse do ketë qëndresë nga ana e qeverisë, artistët do të futen në grevë urie në këtë teatër .

“Mos guxoni të prekni këtë vend të fusni shkrepsen. Mos guxoni ti afroheni Teatrit Kombëtar. Harroheni flakën ky nuk merr flakë”, tha Derhemi. Bashkë me artistët e shoqërinë civile është bashkuar dhe Partia Demokratike. Arbër Cepani aktivist u fokusua në aspektin e trashëgimisë kulturore që ky teatër ka.

“Më pëlqen ky forum njerëzish të lirë që e thonë mendimin e tyre në mënyrë të lirë. Tirana është një qytet që po ndryshon me ritme të shpejta nga dita në ditë. Të gjithë ata që jetojnë jashtë e shohin këtë . Kjo nëse nuk mirëstudiohet mund të kthehet në një bumerang për qytetin. Ajo çfarë bëjmë ne si qytetarë është të shohim esencën e një qyteti. Nëse ne shkojmë në një qytet pa identitet nuk na ngelet asgjë në mëndje. E njëjta gjë është me Tiranën. Ky është teatri që ne kemi, kjo është tradita jonë ndaj duhet ta ruajmë për faktin që ka historinë e artit tonë” tha ai.

Sipas tij ka mijëra mënyra për ta rikonstruktuar e për ta ribërë nga e para, por duke ruajtur fasadën aktuale. Ndërsa producentja Sabina Kodra u shpreh se “është sfilitëse kjo histori, pasi këta njerëz punojnë e përpiqen të përcjellin një mesazh që është :kjo godinë nuk është thjesht godina e Teatrit Kombëtar por kështjella e rezistencës shqiptare. Unë besoj që ne shqiptarët të kthejmë një kauzë ta kthejmë këtë godinë në kështjellën e rezistencës”. Brisejda Gjikondi u shpreh se ndjehej e trishtuar duke parë arrogancën e kryeministrit kundrejt gjithë historisë së vendit.

Komentet
comments powered by Disqus
Sot mund të lexoni Shfletoni kopertinat
Sondazh
test