Më 18 gusht 2018, në prani të shumë krijuesve letrarë dhe të artdashësve është mbajtur FESTIVALI KOMBËTAR I LETËRSISË DHE DITËT E DIASPORËS. Ky Festival Tradicional i radhës është mbajtur në Orllan të Komunës së Podujevës, në vendin “KULLA E ZAHIR PAJAZITIT”,
Festivali Letrar në fjalë është organizuar OJQ "Prokult" nga Podujeva, me kryetar Fatmir Halimi. Për poetët konkurrent, që kanë konkurruar me poezitë e tyre sipas konkursit të shpallur më herët, juria profesionale ka ndarë tri vende ( tri çmime). Vendi I dytë i është ndarë poetes, shkrimtares dhe publicistes nga Prishtina, Znj. Naxhije Doçi.
Fjala përshëndetëse e Prof. Naxhije Doçi pas ndarjes së çmimit
Përshëndetje të nderuar krijues konkurrentë dhe pjesëmarrës në FESTIVALI KOMBËTAR I LETËRSISË DHE DITËT E DIASPORËS, mbajtur në Orllan, te Kulla e zahir Pajazitit! Përshëndetje për Ju OJQ “PROKULT”-Podujevë me kryetar Fatmr Halimi për organizimin e Festivalit! Suksese të tjera në vazhdim! Nderim edhe për Ju juri profesionale, për mundin dhe përgjegjësinë në vlerësim të poezive konkurruese! Faleminderit për vlerësimin e poezisë sime “Lavdi për Pavdekësinë”, në -VENDI I DYTË (II)- Jam shumë e nderuar për pjesëmarrjen time si konkurruese në këtë Manifestim Letrar me rëndësi:
-Të nderuar të pranishëm në këtë Festival Letrar është krenari për krijuesit shqiptarë vendorë dhe të mërgatës, që dëshirojnë dhe dinë të organizohen për të qenë të bashkuar si shqiptarë në dëshmim të fjalës së bukur shqipe madhështuar në art. Nderim për bashkëatdhetarët tanë (Mërgatë e Diasporë), që me dashuri të paparë vijnë në vendlindje për t'i dhënë krah dëshmie kulturës sonë të mrekullueshme shqiptare dhe rrënjës sonë të stërlashtë pellasdo-ilire-shqiptare! Nderim për krijuesit vendorë për organizimin e Manifestimeve të përbashkëta letrare, si edhe për pritjen e nivelit babashkëkohor kombinuar me atë tradicionalë.
Lavdi për pavdekësinë
(Bac Adem Demaçit)
Vështirë të shkruhet nekrologji për ty
Simbol i rezistencës për liri të Kosovës
Bac Adem Demaçi,
i përjetshëm kujtimi Lis i palëkundur i shekullit,
Lavdi për pavdekësinë!
Ti nuk ke vdekur në 26 korrikun 2018
fanar ndriques nëpër galeritë e etura
krahasimesh të derdhura me pishtarë të globit,
vetëm jetë ndërrove
për të rrëzëlluar në altarin e madhështisë,
përherë i gjallë në zemër të shqiptarisë.
Ikonë shenjtërie yllësinë në përqafim
përbetuar në tokë e qiell
urtësinë sublime komponimit të dëlirë
në përthëkim hartash të dheut Mëmë
shkapërderdhura përdhunshëm
nëpër gojë guçedrash,
ligjërimin e lashtë shqip.
Bac Adem Demaçi
Ti mendjendritur në kohën e duhur
përkushtimin gur e mur pikturuar në flamur
në thyerje heshtinash të nemitura
që edhe nëpër thepisje egërsish të mbijetojmë
krahëhapur si etni të gjallërojmë,
thekshëm të vezullojmë
mbi gjurmët hyjnore të rrënjës.
Për Ty udhërrëfyes flokëthinjur me kokën lartë,
për madhështinë tënde shëmbëllimë
krenarinë deri në pakufi.
Ndër breza të trashëgimisë
fjalët tuaja ujëvarë cemi,
krua në gurgullimë
që dashurinë vlerë hirësie
për atdheun e lashtë me emër
ta kemi thellësisht me zemër,
qëndresën kalitur në flatra shqiponje
haperimit për njëjtësinë,
drejtësinë e pakursyer për njerëzinë.