Ndahet çmimi letrar “Dr. Ibrahim Rugova” - Bota Sot
Ndahet çmimi letrar “Dr. Ibrahim Rugova”

Kultura

E shtunë, 20 tetor 2018

Ndahet çmimi letrar “Dr. Ibrahim Rugova”

Më: 15 shtator 2018 Në ora: 16:55
Kryetari Haki Rugova falënderoi të gjithë pjesëmarrësit të cilët morën pjesë në konkursin letrar Ibrahim Rugova.

Në Istog për të katërtin vit me radhë është bërë ndarja e çmimit tashmë tradicional letrat “Dr.Ibrahim Rugova”, çmim ky i cili nderon punën dhe veprimtarinë e shquar të ish-presidentit, Ibrahim Rugova.

Pjesë e kësaj ngjarje ishte kryetari i komunës, Haki Rugova me bashkëpunëtor, përfaqësues të klubit letrar ”Podguri” krijues dhe shkrimtarë të shumtë nga të gjitha trojet shqiptare .

Duke i përshëndetur të pranishmit kryetari Haki Rugova falënderoi të gjithë pjesëmarrësit të cilët morën pjesë në konkursin letrar Ibrahim Rugova.

“Ky është një manifestim që çdo vit është duke dëshmuar kualitet. Ju falendëroj secilin që keni ardhur nga larg, ne si komunë po bëjmë çdo gjë të mundshme për të mbështetur këtë aktivitet në bazë të gjitha mundësive që kemi duke bërë që ky aktivitet të jetë tashmë tradicional, çdoherë po e shoh një pjesëmarrje masive tuajën dhe për këtë falendërim të veçantë kemi për klubin letrat “Podguri”, u shpreh kryetari Rugova.

Ndërsa kryetari i klubit letrar “Podguri”, Sadik Bicaj duke i përshëndetur të pranishmit që kishin ardhur nga të gjitha trojet shqiptare për pjesëmarrje në mainifestim, shprehu një falënderim të veçantë për kryetarin Rugova për mbështetjen e tij të fuqishme morale dhe materiale.

Po ashtu, ai njoftoj se poezitë dhe krijimet që janë lexuar për katër vite me radhë do të botohen në mënyrë që të shënohet vitin e ardhëm pesëvjetori i mainifestimit me rezultat të veçantë.

Në fund të manifestimit letrar u bë edhe ndarja e çmimit mbarëkombëtar “Ibrahim Rugova” të cilin çmim e fitoj Kaltrinë Uka, çmimin e dytë e fitoj Daniela Dante dhe çmimin e tretë Labinot Berisha.

Sot mund të lexoni Shfletoni kopertinat
Sondazh
test