Historiani serb Predrag Markoviç e ka komentuar letrën e kryeministri të Kosovës, Albin Kurtit drejtuar Sava Janjiçit për Manastirin e Deçanit.
Markoviç thotë se gjuha që përdori Kurti në letrën e tij drejtuar Janjiçit tregojnë një përpjekje për të marrë trashëgiminë shpirtërore dhe kulturore serbe.
"Albin Kurti nuk e përdor termin serb, por trashëgimi kulturore të Kosovës. Kjo është vetëm një përpjekje tjetër, tani në një mënyrë më delikate, për të kapur trashëgiminë shpirtërore dhe kulturore serbe. Përpjekje të tilla nuk do të japin fryte sepse Kosova nuk gëzon besim te Bashkimi Evropian dhe bashkësia ndërkombëtare kanë kuptuar se Kosova nuk po zbaton detyrimet e saj ligjore, e aq më pak duke mbrojtur trashëgiminë shpirtërore dhe kulturore të popujve të tjerë", tha Markoviç.
Sipas tij, përpjekjet e politikanëve të Kosovës për të marrë trashëgiminë janë të dënuara për dështim.
"Duhet të kihet parasysh se monumentet serbe në Kosovë janë të gjalla. Vëllazëritë dhe bashkësitë monastike në Kosovë janë një nga qendrat shpirtërore më aktive serbe, nuk mund të rrëmbeni monumente të gjalla. Askush nuk u beson autoriteteve shqiptare që nuk takojnë asnjë kulturë, kriteret ligjore ose ekonomike. Kosova është unike në të gjithë Evropën për sa i përket papjekurisë së saj të plotë në çdo formë të shtetësisë, është i vetmi territor evropian që mund të krahasohet me Afrikën,", thotë Markoviç.
Markoviç thotë se një vizitë në manastirin e Deçanit do të ishte një pikë e madhe propagandistike për Albin Kurtin, i cili kishte disa nga deklaratat më ekstreme për serbët.
"Shtrohet pyetja dhe ekziston një dilemë e madhe se çfarë duhet të bëhet kur bëhet fjalë për kërkesën e Kurtit, i cili kishte një nga diskurset më ekstreme ndaj serbëve, për të vizituar manastirin e Deçanit. Vizita në manastirin e Deçanit do të ishte e madhe pikë propagande për Kurtin”.
