Të mbijetuarit e aksidentit tragjik që ndodhi të dielen në Slavonski Brod të Kroacisë do të vijnë sonte në mbrëmje në Prishtinë.
Aeroplani pritet që të aterojë rreth orës 22:15 në Aerportin “Adem Jashari”.
Kjo u bë e ditur nga burimet brenda Aeroportit.
Si pasojë e aksidentit të së dieles kanë vdekur 10 persona ndërsa mbi 40 janë lënduar.
Siç është bërë e ditur nga ministri i Mbrojtjes Armend Mehaj, 26 nga të lënduarit janë liruar nga spitali e në trajtim janë ende 15 persona.
Njëri nga ta është në gjendje më të rëndë.
Më 25 korrik në Slavonski Brod të Kroacisë u aksidentua autobusi me targa të Kosovës që vinte nga Frankfurti i Gjermanisë për në Kosovë.
