Presidenti i Serbisë, Aleksandar Vuçiq ka zhvilluar një seri të takimeve me shtetar nga gjithë bota, ku përveç temës bosht të ndryshimeve klimatike ka biseduar edhe rreth çështjes së Kosovës ka thënë redaktori i “Kurir” Rajko Nediç, transmeton “Bota Sot”.
“Është mirë që në Samitin e Gllazgout po marrin pjesë mbi 200 përfaqësues nga vendet e ndryshme të botës, ndërsa sipas raporteve të ditës së djeshme Vuçiq ka zhvilluar takime edhe biseda me shumë shtetar nga vendet e ndryshme të botës”, tha Nediç.
Sipas tij, samiti është mundësi e shkëlqyeshme për takime me përfaqësues të vendeve të ndryshme gjë që po shfrytëzohet nga Vuçiq.
“Vuçiq ka shfrytëzuar tollovinë dhe pranin e shumë zyrtarëve dhe ka zhvilluar takime të shumta në kohën mes sesioneve. Ai ndër tjera shfrytëzoi rastin për takim dhe bisedë me kryeministrin spanjoll Pedro Sançez i cili i ka premtuar vizitën në Serbi. Këto takime janë me rëndësi edhe për shkak të çështjes së Kosovës dhe kufijtë e Ballkanit të hapur”, konsideron Nediç.
Ai me këtë rast ka komentuar edhe deklaratën e nënkryetarit të partisë popullore të Serbisë Zdravko Ponosh ish-gjeneral armate, që ka thënë se është e padiskutueshme që diplomatët do të ndërrojnë presidentin e Serbisë.
“Procedura në ShBA ende nuk ka përfunduar për emërimin e ambasadorëve të rinj të këtij vendi. Kështu që para vitit të ri as që do të ndodhë kjo, ne e dimë fare mirë rolin që ka kryer ambasadori i dominuar amerikan për Serbi në kohën e Dejtonit”, nënvizoi Nediç.
