Fitorja e Zvicrës ishte e veçantë ditën e djeshme, jo vetëm sepse u eliminua një kombëtare si Serbia, por edhe sepse bënë paraqitje spektakolare dyshja shqiptare Granit Xhaka dhe Xherdan Shaqiri.
Megjithatë, në Serbi po e vajtojnë delirin e shqiptarëve në Kosovë me rastin e fitores së Zvicrës. Mediet serbe me inat enorm e kanë përcjellur këtë zhvillim.
Për mediumin serb, "Espreso", në Kosovë dje "erdhi viti i ri", duke iu referuar kremtës që ndodhi në rrugët e Prishtinës, por edhe në qytetet tjera.
Kujtojmë se po të njëjtat mediume u morën edhe mbrëmë me dyshen shqiptare të Zvicrës, duke i ofenduar me llojlloj etiketash.
