Një aksident në trafik e kishte lënë të lënduar rëndë një person në Prizren të premten e 6 tetorit.
52-vjeçari u godit nga një veturë teksa po drejtonte biçikletën e tij dhe më pas u dërgua me urgjencë në spital për trajtim mjekësor.
Viktima nuk arriti t’i përballojë plagët e marra dhe si pasojë ndërroi jetë gjatë ditës së djeshme në Qendrën Klinike Universitare të Kosovës.
Viktima është Shefki Badalli, i cili ishte punonjës i shkollës fillore të mesme të ulët ‘Emin Duraku’ në Prizren.
Lajmin për vdekjen e tij e kanë dhënë edhe familjarët, teksa ceremonia mortore u mbajt sot në orën 13:00 në varrezat e qytetit në Prizreni.
I ndjeri ka lënë pas vetes bashkëshorten dhe dy djem.
