Mungesa e druve për ngrohje në shkollat shqiptare vijon të mbetet problem shqetësues, duke detyruar shpesh herë nxënësit të marrin dru nga shtëpia.
Kjo foto, e cila po bën xhiron e rrjeteve sociale është dëshmia më e mirë e këtij fakti, shkruajnë mediat shqiptare.
Fotoja ku duket një nxënës shkolle që mban një qese me dru është postuar në facebook nga gazetari Artur Kurtallari. Nxënësi i përket shkollës 9-vjeçare “Vehbi Shehu”, Bicaj në Kukës.
“Ky maskarai i vogël ka thy moratoriumin e pyjeve dhe trafikon në mënyrë të paligjshme dru për te klasa e tij! Sipas informacioneve që kam, në shumicën e shkollave në Kukës fëmijët trafikojnë dru ilegalisht. Shteti ndërkohë fle! Në foto: Nxënës i shkollës 9-vjeçare, Vehbi Shehu, Bicaj”, shkruan gazetari në profilin e tij në Facebook.
