Jovana Radosavljeviq, drejtoreshë ekzekutive nga Iniciativa e Re Sociale në Mitrovicën e Veriut theksoi se anashkalimi i Kushtetutës së Kosovës sa i përket shndërrimit të FSK-së në Forca të Armatosura do të ishte i papranueshëm dhe do të dërgonte mesazh negativ në të gjithë shoqërinë.
“Prania e NATO-s dhe e KFOR-it është e mirë dhe vet këta dy paraqesin sigurinë në Kosovë” tha ajo. Sipas saj ende nuk ka kaluar shumë kohë nga konflikti dhe është e domosdoshme të merren parasysh të gjitha frikat dhe në këtë mënyrë të vij deri te pajtimi. Ajo theksoi se Qeveria e Kosovës nuk ka arrit që ta përfshij komunitetin serb në dialog sa i përket kësaj çështje.
Këtë deklaratë ajo e ka thënë në debatin e organizuar për Forcën e Sigurisë së Kosovës nga Qendra për Kërkime Kosovare të Sigurisë.