Aeroporti Ndërkombëtar i Prishtinës “Adem Jashari” i shpreh ngushëllime familjes së punëtorit të tij i cili sot është gjetur i vdekur në vendin e tij të punës.
“Kolegu ynë G. Zymberi ndërroi jetë në vendin e tij të punës. Angazhimi i tij qe nga 2010-ta ishte me vullnet dhe me përpjekje për të dhënë më të mirën nga ana e tij, në shërbimin e Teknologjisë Informative në ANP, si njëri ndër punonjësit më të zellshëm të kompanisë”, thuhet në telegramin e ngushëllimit të Aeroportit.
29 vjeçari Gent Zymberi është gjetur i vdekur sot në vendin e tij të punës ndërsa policia këtë rast deri më tani e vlerëson si ‘vdekje e dyshimtë’.
