Gazeta kombëtare “Bota sot”, vazhdon të mbetet një dritare e rëndësishme mediatike për informimin e publikut rreth asaj që ndodhë në trojet shqiptare dhe në botë.
E tillë ishte edhe gjatë luftës në Kosovë, kur u bë zëri i luftës për liri.
Editori i gazetës “Bota sot”, Xhevdet Mazrekaj, me anë të një postimi në rrjetin social facebook, ka publikuar një fotografi ku shihet mirënjohja që gazeta “Bota sot” më 7 shtator 1998 e kishte marrë nga Ushtria Çlirimtare e Kosovës, përkatësisht nga Komandanti i Njësive Operative në Lugun e Baranit, Major Nazif Ramabaja.
“Ishte kohë lufte, ngjarjet që zhvilloheshin tregonin që liria nuk ishte larg. Në 20 vjetorin e Betejës së Logjës dhe luftimeve në Lugun e Baranit, dua të ndajë me ju miqtë e mi, këtë mirënjohje, të cilën më 7 shtator 1998, ma ndau Komandanti i Njësive Operative në Lugun e Baranit, Major Nazif Ramabaja. Kjo mirënjohje e dhuruar nga Ushtria Çlirimtare e Kosovës për gazetën “Bota sot”, flet shumë për misionin e saj ndër vite që nga themelimi. Informimi i gjithanshëm dhe korrekt, gjithnjë duke ruajtur frymën atdhetare- kombëtare, ka qenë dhe mbetet detyrë e realizuar me sukses nga ne”, shkruan Mazrekaj.