Aktori i njohur, Çun Lajçi, përmes një postimi në facebook, ka kujtuar me vargje rrëqethëse bijën e tij, Bubulinën, e cila ndërroi jetë 1 vit më parë.
Lajçi, të bijës e cila i ndërroi jetë papritmas një vit më parë i ka kushtuar një poezi me vargje tepër të dhimbshme.
Kjo është poezia:
In memoriam
Nji vit pa Ty e pa frymën tande
ecim kujtimësh si tymit temjanit
Bubë!
Jerusalemi qeshi kur shqip fole:
"Jezunë du me prekë e shtrat i tij m'u ba"
Adeeb Joudeh ta hapi derën
e t'shenjtës "Sepulchre" atë mëngjes korriku
diell i përvëluem zemre
Ti ece temjanit, unë pas xhamive
ku myezinët lëshonin zá
kur u ktheva,Sepulchre mshelë ishte
Ti s'dole ma!
Unë
i vetmuem n’qytetin plot jetë
i mërdhimë n’prushin e mbuluem me hi
dëshpërue nga lumtuni korriku
zjarm andrrash futa n’gji
E shkurtë dita për vetëvrasje
Nata e gjatë për dashuni
S'e kuptoj pse gëzohem që s’vdes
e pse jetoj në këtë botë me përralla
Zot
çka t’baj me Ninin që larg meje leh
e Bubën që varun m’rri mbi qepalla
