Dhuratën më të bukur ky vit i ri 2017, ia fali çiftit Migena dhe Behar ARLLATI, intelektualë dhe veprimtarë të shquar gjakovarë, profesorë e poetë, artistë në shpirt, miqtë e mi të respektuar. Po u nis me një këngë labe urimin tim nga larg fizikisht, por jam bashkë me ta në gëzimin e djalit të tyre Argen:
1 Janari-dit' e bukur,
E diela erdhi e mbarë.
Marathonomak' i lumtur
Shpërndan një mesazh të bardhë:
Dymijë e shtatëmbëdhjeta,
Vit i mirë e i bekuar.
Hej, Gjakovë, moj tungjatjeta!
Na vjen si bleta ngarkuar.
Gëzimtar Behar Arllati
Nga Vlora uron Alberti
Për ty ka punuar fati,
T'u plotësua kuarteti.
Bora, Rina dhe Triumfi
U bënë dhe me një vëlla.
Lumturinë Behari puthi,
Migena një djalë i dha.
Dashuria- zjarr në zemra,
Te vetja thesarin gjen,
Nga përkëdheljet në emra
Djalin e quajtën Argen.
Ari, muzikant që s'ndalet,
Gena, gjuhëtare, poete,
Kanë gëzim sa shtatë male,
Kanë gëzim sa shtatë dete.
