Në Bibliotekën Kombëtare “Pjetër Bogdani në Prishtinë në pranin e dashamireve të librit, profesorëve, studenteve dhe mysafireve të tjerë me iniciativën e Asicionit të letrareve dhe artisteve të Art Klubit “Rifat Kukaj” u bë promovim i kompleteve të veprave të poetit Fazli Greiçevcit në kuadrin e 82 - vjetorin e lindjes së tij, gjë që është me një rendësi të veçantë për letërsinë dhe kulturën shqiptare, që më në fund vepra letrare të një poeti të anatemuar nga sistemi të dalë në dritë e kompletuar. Vlerat e krijimtarisë së tij letrare janë vlerësuar në aspektin afirmativ duke e cilësuar si njërin nga poetët më të mirë të pasluftës së Dytë Botërore. Me këtë rast ky botim nuk do ishte i mundur po të mos ishte vigjilenca dhe vendosmëria e familjes, e cila këto krijime letrare me të cilën ka arritur t’i ruaj me fanatizëm edhe përkundër vështirësive te përndjekjeve nga sistemi që i është bërë kësaj familje. Mbi të gjitha ajo që është më meritore për botimin e këtij kompleti, janë vlerat e mirëfillta të krijimtarisë të një poeti-uragan, jeta e të cilit iu shua në mënyrën më mizore nga UDB-a jugosllave. Në vazhdim të fjalës së tij kushtua promovimit të këtij kompletit te veprave Nexhat Rexhaj tha:” Njeriu dhe koha e tij ruan idealizmin dhe dashurinë për të ardhmen e këtij shkrimtari të vyeshëm i cili jetoi dhe veproi në kohën e sundimit më të egër serb - ku në rrethana të jashtëzakonshme, zhvilloi aktivitetin e një atdhetari të vyeshëm. Fëmijëria dhe shkollimi i këtij poeti ka qenë një zhvillimin e peripecive për të ardhmen e ideve progresive,ato në vete kanë ruajtur e shpalosur botën komplekse për lirinë e Kosovës. Atdheu dhe lira në të gjitha veprimet e tija është i pandashëm, siç është i pandashëm edhe vargu poetik i tij që në çdo tingull jeton e tingëllon ëndrra për të ardhmen e lirinë e vendit tonë. Në këto rrethana, ai krijoi mendim të pandryshueshëm për Flamur edukim njerëzor e kombëtar...
Atdheu dhe lira në të gjitha veprimet e Grajçevcit ishte e pandashme, siç është i pandashëm edhe vargu poetik
Të dhënat biografike dhe vepra e këtij poeti flasin më së miri për përkushtimin e tij në të gjitha frymëmarrjet si në shkollim, ashtu edhe në punën edukativo arsimore, si dhe në tërësinë e shkrimeve të tija letrare. Vepra e këtij poeti sot është e lënë në dorëshkrim në duar të lexuesve, e cila i plotëson mungesat e madhe për gjeneratat e reja, sepse për intelektualin të kohës së Fazli Greiçevcit, jeta dhe vepra e tij rrezatonin në një farë mënyre në të gjitha kohët. Atë e burgosën në vitin 1964, e torturuan mizorisht në burgun e Prishtinës dhe vdekja e tij qe e shpejt brenda dy jave, kjo dihej te masat e gjëra bashkë me mos nënshkrimin e dr. Ali Sokolit për vdekjen e tij. Për të flitej kudo, njeriu ynë pa zhurmë i dha epitetin - Mësuesi i Flamurit.
Vepra poetike e Fazli Greiçevcit e mbetur në dorëshkrim, e anatemuar gjatë tërë kohës së totalitarizmit, edhe kështu ajo flet bukur për biografin e tij, ani pse ai nuk la shënime biografike për vete, e për të gjitha veprimet, rrethanat se si e realizoi krijimin e poezisë. Vetë vepra në brendësinë e saj të jep mundësinë e njohjes së botës shpirtërore të tij. Ai me tërësinë e poezive të lëna në dorëshkrim, e të ruajtura për fat nga familja, dëshmojnë për karakterin e fortë të tij si atdhetar i pamposhtur në të gjitha krajatat që i krijoi koha e sundimi. Ndjekjet e vazhdueshme ndaj tij dhe burgosja për të mos dal i gjallë nga burgu, shpalosin karakterin e tij prej një njeriu të pamposhtur për idealizmin, sakrificën e shpirtin deri në vetëflijim.
Poezia e tij është kënga e njeriut me të cilin ai jetoi deri në frymëmarrjen e fundit. Fazli Greiçevci qe njeri i kërkesave të pandalshme për një realitet tjetër. Në poetikën e tij ai solli reformën e vargut të lirë, sepse duhet të kemi parasysh kohën e rrethanat në të cilat ai jetoi e veproi Grajçevci.
Poeti Graj?evci shpalosin karakterin e tij prej një njeriu të pamposhtur për idealizmin, sakrificën e shpirtin deri në vetëflijim
Duke qenë gjithnjë në ndjekje nga politika e kohës, ai vazhdimisht krijoi lirikat e tija me një frymë të re, e cila mund të quhet fillimi i modernititetit poetik në poezinë shqipe të viteve të `60-ta. Botimi komplet i veprës poetike të Fazli Greiçevcit – tha në vazhdim të fjalës së tij Rexhaj është rezultat i kujdesit, përkushtimit, angazhimit të: Adem Gashit, Sinan Gashit , Izet Avdylit dhe familjareve të tij. Nga këndvështrimi i sotëm vepra e tij artistike, të rikthen në kohën traumatizuar për njeriun tonë. Mirëpo, brendia artistike dhe mesazhet poetike, afrojnë kohën, rrethanat e diktatet e letërsisë shqipe në Kosovë e më gjerë. Poezitë e këtij poeti afrojnë pikëtakimet dhe përpjekjet atdhetare të një intelektuali të shquar, që pati për mision bashkimin e trojeve stërgjyshore. Në këto frymëmarrje të tija , të cilat rrezatonin, mosnënshtrim e jepnin frymë të lirë e atdhedashuri në të gjitha vendet ku punoi e veproi ai, këto virtyte krijuan pengesa për jetëgjatësi në shkrimet artistike. Në këtë kontrast të realitetit të egër, e të projekteve të shumta kundër shqiptarëve, e mundonin poetin e mësuesin për të ardhmen, ai vazhdimisht ishte në kërkim të realizimit e mendimit të ri filozofik . Në këtë veprim të koordinimit të ideve përparimtare, e në mbështetje të ideologëve që i paraprinin proceseve të mëdha kombëtare për liri, ai vepro e punoi gjithnjë në këtë frymë. Jeta dhe vepra e poetit Fazli Greiçevci kanë krijuar hallkat më të fuqishme edhe atëherë kur ai ia fali jetën Kosovës. Vdekja e tij në burgun e Prishtinë , u bë kushtrim për njeriun tonë . Ai jetonte kudo në idealet e njerëzve,që e njihnin veprën e karakterin e tij të punës e veprimeve në të gjitha kohërat . Edhe vdekja nën presionin e torturës qe frymëzim për liri. Njeriu i fjalës, besës, përkushtimit në çdo pikë orientuese kanalizoi fjalën për të ndriçuar të ardhmen e këtij vendi. Graj?evci ishte dhe mbeti mësuesi i idealeve të larta dhe shtyllë në mbrojtjen e flamurit kombëtar. Ai qe dhe mbeti fanar i lirisë. Poezia e tij u bë krismë e dashuri për fjalën shqipe. Andaj vepra e poetit i Greçevcit frymojnë lirshëm për lexuesin për të cilët fjala dhe vargjet e tij mbeten testament për ndërgjegjësim të shtresës intelektuale, të cilës i duhet unifikim e vendosjes së gjërave në vendin e duhur për saktësimin e vlerave objektive, universale e kombëtare. Në këtë promovim për veprat e Grajqevci foli edhe Adem Gashi dhe të tjerët.