Romani “Psycho” në krye të listës së pesë librave më të shitur

Libra

Romani “Psycho” në krye të listës së pesë librave më të shitur

Më: 22 gusht 2018 Në ora: 16:54
Romani “Psycho”

Romani "Psycho" i Ilir Muharremi është rikthyer në krye të listës së pesë librave më të shituar gjatë javës së kaluar në kryeqytet. Që nga koha kur doli nga shtypi, romani "Psycho" u shqua për veçantitë e tij dhe temën e trajtuar, që në fakt i ka munguar letërsisë artistike shqipe. I vlerësuar nga kritika si një libër që të bën mirë ta lexosh, ngërthen në vete zhanrin hororr, triler, etj., ky roman vazhdon të bëjë bujë nëpër Kosovë.

E, ajo që e bën më të kërkuar këtë roman, përveç titullit provokativ, është edhe ngjarja, e cila fokusohet më shumë në seks, vrasje, ferr, tortura, dashuri dhe të gjitha duken si të natyrshme. Element i veçantë, sipas studiuesve dhe kritikëve, është figura e femrës, e paraqitur në këtë roman, që siç thonë ata, personazhi kryesor i romanit llafos shumë për femra e gra të martuara apo të pamartuara.

"Kjo fare nuk i bën përshtypje. Lidhjet i bën aty për aty, kurse lojën e dashurisë e ka për qejfi pa e zgjedhur kohën as vendin. Aventurist i llojit të vet. Skeptik për lidhje të gjata miqësore. Vizitor i rregullt i shtëpive publike dhe i prostitutave. Egoist dhe egocentrik me tepri. Shpeshherë luan rolin e sadistit", pohohet ndër të tjera për romanin më të shitur gjatë javës që shkoi nga kritikët dhe studiuesit tanë. 

(Isa Vatovci)

Image
commentFirst article
Më të lexuarat
Sot mund të lexoni Shfletoni kopertinat