Një nga ndjenjat më të mira në botë është dita e parë kur përdorni telefonin tuaj të ri. Të gjithë duam që të qëndrojë në gjendje të shkëlqyeshme sa më shumë të jetë e mundur.
Sidoqoftë, rutina dhe zakonet tona të përditshme mund të jenë mjaft mizore ndaj këtyre pajisjeve të dobishme.
“Bright Side” ndan disa këshilla super të dobishme që telefonat të zgjasin me vite e vite.
Pastroni pluhurin nga ‘porta’ e karikimit të telefonit.
Përdorni një stikadent për të pastruar butësisht pjesën e brendshme të portës. Fshijeni atë për të larguar pluhurin dhe më pas shkundeni telefonin lehtë për që pluhuri të dalë jashtë. Merrni kohën tuaj që të mos dëmtoni portën.
Mos e mbështesni kudo në makinë.
Materiali me të cilin është veshur makina juaj nga brenda, nuk ju jep sigurinë që telefoni nuk do të rrëshqasë. Kur jeni duke ecur me shpejtësi dhe merrni një kthesë të fortë, telefoni mund të përfundojë në anën tjetër të makinës. Kjo situatë mund ta dëmtojë rëndë, ose më keq, mund ta shkatërrojë plotësisht atë.
Nxirrni ujin dhe pluhurin nga altoparlanti juaj.
Shumica e njerëzve përdorin oriz për të tharë telefonin, por ka një mënyrë më efikase për ta bërë këtë. Shkarkoni android një aplikacion që do t’ju ndihmojë të nxirrni ujin nga altoparlanti.
Ata luajnë një tingull të veçantë që shtrydh të gjithë ujin. E njëjta gjë funksionon me pluhurin, dhe nëse e bëni rregullisht do t’i mbani altoparlantët tuaj në gjendje të mrekullueshme për shumë vite.
Kontrollojeni telefonin rregullisht në servis.
Të bësh këtë është e lehtë dhe do të kurseni nervat së bashku me paratë tuaja. Specialistët në dyqanet dhe qendrat e autorizuara të shërbimit do të diagnostikojnë telefonin dhe do të riparojnë çdo dëmtim të brendshëm ose të jashtëm që mund të ketë.
Mos e vendosni telefonin në xhepin tuaj të pasmë.
Ju mund të harroni që e keni vendosur atje, pastaj uleni në të dhe e shtypni. Do të ishte për të ardhur të shkatërronit një telefon në këtë mënyrë.
Çaktivizoni “Bluetooth” kur nuk e përdorni.
“Bluetooth” është një mjet shumë i dobishëm, por gjithashtu mund të jetë i rrezikshëm. Rekomandimi është ta fikni kur nuk po e përdorni, dhe duke bërë kështu, ju do të bllokoni të gjitha llojet e shkarkimeve të dëmshme që mund të vijnë në telefonin tuaj.
Karikojeni telefonin para se bateria të shkojë zero.
Nuk ka asgjë të keqe që telefoni të jetë në 0% bateri, por nëse ndodh shpesh, atëherë telefoni do t’ju shërbejë për një kohë shumë më të shkurtër.
Çdo telefon ka një sasi të caktuar të cikleve të karikimit. Kjo është kur e karikoni telefonin 100% dhe më pas e përdorni derisa të harxhohet plotësisht. Nëse e bëni këtë rregullisht, atëherë bateria e telefonit tuaj nuk do të zgjasë.
Azhurnoni rregullisht softuerin tuaj.
Këto janë azhurnime të nevojshme që përdoren për të hequr qafe disa viruse që mund të hasni, apo për të rritur shpejtësinë.
Mos përdorni karikuesit USB të aeroportit.
Ka karikues USB të përhapur përreth aeroporteve, që jo domosdoshmërisht janë të sigurt. Ndërsa ngarkoni telefonin, do të transferoni të dhëna. Këto të dhëna gjithashtu mund të arrihen nga hakerat duke përdorur të njëjtat porte.
Kur lidhni kabllon e telefonit në një port të kompromentuar, ajo lidh pajisjen tuaj me një disk të jashtëm. Kjo mund të nisë një proces të palëve të treta që shkarkojnë të dhënat tuaja.
Mos e përdorni telefonin me një rrip krahu që e përdorni gjatë kohës që stërviteni.
Nxehtësia, uji dhe kripa. Duket si një recetë, apo jo? Një recetë për shkatërrim, mbase. Këta janë 3 faktorë që do të shkatërrojnë telefonin tuaj nëse e mbani atë në një rrip krahu.
Mungesa e qarkullimit të ajrit mund të çojë në mbinxehje dhe djersa juaj mund të futet madje edhe në portën e karikimit. Kripa e djersës mund të dëmtojë harduerin dhe madje të shkaktojë probleme të tjera me pajisjen tuaj ashtu si çdo ujë i kripur.
