Jetesa e çifteve bashkë është një vendim që mund të rregullojë ose të shkatërrojë një marrëdhënie. Koha e kaluar së bashku mund të ndihmojë në forcimin e lidhjes tuaj, por ndërveprimi 24/7 gjithashtu i ekspozon ata ndaj gjithçkaje. Bashkëjetesa duket vendim i vështirë, por nëse bëni këto 8 gjëra do të kapërceni çdo sfidë.
1. Ata bien dakord për udhëzimet dhe oraret
Nga krijimi i një kalendari i gjërave për të bërë deri te diskutimi i orareve të gjumit dhe kufijve personale, çiftet duhet të bëjnë kompromise dhe të përcaktojnë udhëzimet për të jetuar së bashku. Është e domosdoshme për një bashkëjetesë harmonike.
2. Ata ndajnë punët
Ndarja e punëve është shumë e rëndësishme për një martesë të suksesshme. Kjo vlen edhe për çiftet që jetojnë së bashku. Partnerët mund të krijojnë sistemin e tyre për përcaktimin e detyrave, veçanërisht nga aftësia dhe oraret e tyre. Ata gjithashtu mund të bëjnë disa punë së bashku si një formë e lidhjes produktive, informon abcnews.al.
3. Ata flasin për paratë
Ashtu si punët, edhe shpenzimet e shtëpisë duhet të konsiderohen një përgjegjësi e përbashkët. Çiftet duhet të diskutojnë sesi do të ndajnë faturat, varësisht nga pagat individuale. Biseda e parave duhet të përfshijë gjithashtu borxhet e tyre të papaguara dhe qëllimet financiare. Partnerët duhet të jenë gjithmonë të sinqertë në lidhje me çështjet e parave për të shmangur problemet e besimit.
4. Ata mësojnë si të menaxhojnë zakonet e këqija të njëri-tjetrit
Kur çiftet fillojnë të jetojnë së bashku, është fiks koha kur ata fillojnë të vërejnë zakonet e tyre të këqija. Lënia e çorapeve të palara në dysheme, përtypja me zë, koha e gjatë për t’u përgatitur etj, janë disa nga zakonet më të shpeshta. Në mënyrë që të shmangni zënkat me njëri-tjetrin, duhet të gjeni mënyra si t’i menaxhoni këto situata, informon abcnews.al.
5. Ata kanë një ritual tyrin të veçantë
Çiftet që bëjnë rituale së bashku, përjetojnë më shumë emocione pozitive dhe marrin më shumë kënaqësi nga marrëdhënia. Këto rituale mund të përfshijnë qëndrimin bashkë në një divan, parja e një filmi etj.
6. Ata i japin rëndësi hapësirës personale
Bashkëjetesa nuk do të thotë të kaloni çdo çast bashkë. Të marrësh frymë dhe ta kalosh pak kohë me veten është e shëndetshme për ju dhe marrëdhënien tuaj. Vetmia na lejon të reflektojmë për shumë gjëra, përfshirë veten tonë, dhe mund të na ndihmojë të bëhemi njerëz më të mirë për të tjerët, informon abcnews.al.
7. Ata vendosin rregulla bazë për të ftuarit
Çiftet kanë nivele të ndryshme komoditeti kur bëhet fjalë për familjen dhe miqtë e partnerit të tyre, prandaj është e rëndësishme të vendosni rregulla bazë për ta. Ata duhet të bien dakord se kush mund të vijë, kur është koha ideale dhe sa mund të qëndrojnë. Diskutimi i logjistikës tjetër të pritjes para mbërritjes së mysafirit, si planet e vaktit dhe aktivitetet e pritshme, gjithashtu mund të ndihmojë në parandalimin e debateve dhe ankthit gjatë kohës kur ata janë aty.
8. Përpiqen të zgjidhin konfliktet e tyre
Çiftet mund t’i bëjnë shtëpitë e tyre hapësira të sigurta emocionale vetëm duke krijuar një mjedis pozitiv dhe duk zgjidhur të gjitha konfliktet. Momenti më i mirë për të diskutuar për konfliktet është kur ju të dy jeni në kushte të mira optimale mendore.
