Ndoshta ju ka ndodhur që nuk keni ditur çfarë të çoni në një darkë ku jeni ftuar, në shtëpinë e miqve apo të afërmve. Nëse keni pasur dyshime, mund të keni dhuruar një shishe verë, një tortë ose një buqetë klasike me lule.
Mos u shqetësoni, tani e tutje do të dini saktësisht ç’të merrni dhe çfarë jo.
Tema është shumë më komplekse sesa mund të duket në fillim. Nëse nuk merrni gjë dukeni si një person i vrazhdë. Nga ana tjetër, nëse merrni ushqim, mikpritësit mund të ofendohen. Pra, këtu janë disa këshilla për t'ju ndihmuar të vendosni më lehtë.
Jo Ushqim
Rregulli i parë kur jeni të ftuar: shmangni ushqimet. Nëse merrni diçka të tillë, qoftë edhe një ëmbëlsirë, që shumë e konsiderojnë si atë të duhurën, mikpritësit mund të mendojnë se nuk e pëlqeni gatimin e tyre ose ndoshta se keni frikë të mos hani sa duhet.
Nëse nuk doni të rrezikoni t'i ofendoni ose t'i bëni të ndihen keq, pse nuk i pyet ata drejtpërdrejt nëse kanë nevojë për ndonjë gjë? Në një mënyrë të sjellshme pyesni nëse mund të kontribuoni në ndonjë mënyrë, për shembull nëse do të dëshironin që ju të kujdeseni për ëmbëlsirën.
Përjashtimi i vetëm: darkat informale në të cilat vendoset para që të gjithë të sjellin diçka. Në këtë rast, padyshim që jeni më se të saktë në çfarëdo ushqimi që do të zgjidhni.
Verë
Nëse rrezikoni të dukeni keq me ushqimin, me verën jo. Një shishe e kuqe, ose e bardhë , por edhe një aperitiv ose liker janë gjithmonë ide të mira. Edhe në darkat më formale. Natyrisht, në rastin e fundit, është më mirë që ato të jenë të një cilësie të mirë.
Lulet janë gjithmonë një ide e mirë
Të shkosh me një buqetë me tulipanë, trëndafila ose ndonjë lloj tjetër është gjithmonë një ide e mrekullueshme. Aq më tepër nëse mikpritësit i pëlqejnë bimët.
Dhe, jo, mos gaboni duke menduar se lulet janë të përshtatshme vetëm për femrat. Ky është një besim shumë i vjetëruar dhe absurd. Të gjithë, pavarësisht gjinisë mund ta duan natyrën dhe, sigurisht, të jesh i rrethuar nga gjelbërimi është mirë për këdo.
Ju madje mund të zgjidhni lule dhe bimë bazuar në kuptimin e tyre.
Pse jo një libër?
Mund të jetë mirë të merrni diçka origjinale, por gjithsesi elegante si një libër, ndoshta duke zgjedhur nga klasikët e mëdhenj të letërsisë ose botimet më të fundit nëse nuk i dini preferencat e mikpritësve.
Ide të tjera të mundshme mund të jenë: aromatizues dhomash, qirinj, një kuti çokollatash, një lojë për fëmijë në rast se mikpritësit kanë fëmijë.
