Një nga gjërat që ka qenë objekt debati midis ekspertëve për dekada është një pyetje e thjeshtë: Sa shpesh duhet të bëjmë dush? Disa njerëzve u pëlqen të bëjnë dush në mëngjes për t’u zgjuar, por ekspertët paralajmërojnë se mund të mos jetë një opsion i shkëlqyeshëm, veçanërisht për lëkurën tonë.
“Dushi në mëngjes mund të zhveshë lëkurën nga vajrat e saj natyralë”, shpjegoi profesoresha Sally Bloomfield nga Shkolla e Higjienës në Londër duke shtuar se në trupin tonë ka mikrobe që prodhojnë erëra të pakëndshme, por nuk janë të dëmshme për ne.
Kjo është arsyeja pse dushi i shpeshtë nuk është alternativa më e mirë për lëkurën tonë, veçanërisht me ujë të nxehtë, sepse e than atë. Përveç kësaj, dushi më shumë se një herë në ditë mund të largojë nga trupi mikroorganizmat që ndihmojnë në kontrollin e yndyrës në lëkurë dhe na mbrojnë nga faktorët e jashtëm.
Nëse e lajmë shtresën mbrojtëse natyrale në fillim të ditës, do të jemi më të ekspozuar ndaj papastërtive dhe baktereve. Kjo është arsyeja pse, kur bëjmë dush pas një dite të vështirë dhe shkojmë në shtrat të pastër, mjaftojnë shtatë ose tetë orë që vajrat tanë natyralë të rinovohen në lëkurë.
Sally shpjegoi gjithashtu se duhet të dallojmë pastërtinë nga higjiena.”Njerëzit shpesh ngatërrohen për ndryshimin midis pastërtisë dhe higjienës. Pastërtia është ajo që bëjmë që të dukemi dhe të ndihemi të pastër, dhe higjiena është pastrimi që parandalon përhapjen e mikrobeve”, tha ajo.
