Aksesorë, bizhuteri, parfume, veshje, dhurata të personalizuara dhe djemtë do të bëjnë gjithmonë të njëjtën pyetje: Çfarë dhurate do të dëshiroje këtë fundvit? E në fakt, me faj nuk mund t'i bëjmë, sepse ndër vite me kaq shumë festa e okazione idetë shterojnë. Megjithatë nëse do të binim dakord për diçka do të ishte që një përvojë, një eksperiencë vlen shumë më shumë se një dhuratë. E me këtë të fundit nënkuptojmë një udhëtim në çift, një përvojë që do t'ju dhurojë kujtimet më të bukura. Ndaj këtë vit, nëse ende ju mundon pyetja "çfarë dhurate duhet t'i bëjë asaj" apo "atij" keni klikuar artikullin e duhur, vendin ku do të gjeni dhuratën më të bukur.
Një fundjavë në Portonovi, përgjatë periudhës më të bukur të vitit, do të ishte dhurata që do ju falte emocionet më të bukura. Jo shumë larg Tiranës, në resortin që u shndërruar në destinacionin e preferuar të sa e sa shqiptarëve, magjia e festave ka trokitur herët këtë muaj. Dritat, ngjyrat, bredhi, shtëpizat e drurit, të gjitha të krijojnë idenë e fshtatit ku Babagjyshi përgatit dhuratat me ndihmën e elfëve të tij, në Polin e Veriut, por në fakt e gjithë kjo skenë ndodh buzë detit. Kjo ndërthurje e klimës së butë, aromës së detit me atmosferën magjepsëse festive, do t'ju përshfaqë përpara syve një tablo si asnjëherë më parë.
Por le të listojmë vetëm disa nga arsyet se disa ditë pushimi në Portonovi do të ishin dhurata më e bukur që mund të bënit ose të merrnit këtë vit.
Eventet e organizuara
Festat në Portonovi janë të jashtëzakonshme. Çdokush, i madh e i vogël do të mrekullohej nga hapësirat e ndriçuara, skena dhe këndet nga ku mund të shkrepni foton ideale për Instagram. Nga eventet për çdo moshë deri te festimet e jashtëzakonshme, çdo moment do të jetë i paharrueshëm. Çdo shesh në resort e jo vetëm duket se rezervon një surprizë për ju dhe sharmi i këtij fshati që gëlon nga gjallëria në çdo periudhë të vitit do t'jua marrë zemrën. Koncertet me këngëtarë, grupe dhe DJ të njohur do të jehojnë në të gjithë Portonovi për 16 ditë me radhë prej 23 dhjetorit, deri më 7 janar.
Tregu i Krishtlindjes
Sheshi Marina do të shndërrohet në arenën e festimeve, me këndet për foto, tregun e Krishtlindjeve, ku do të shërbehen ushqimet dhe pijet e ngrohta e jo vetëm. I konceptuar për fëmijë e të rritur, shtëpizat e drunjta, mirëpresin artizanët vendas, nga ku mund të blini suveniret më të bukura por jo vetëm.
'One & Only Poronovi' hoteli kryevepër me famë botërore ju fton të bëheni pjesë e një përvoje unike si asnjëherë më parë falë trajtimeve të personalizuara dhe të mirëmenduara për çdo klient. Duke bërë bashkë mjekësinë e lashtë kineze me teknologjinë më të fundit perëndimore, ekspertët e metodës Chenot praktikojnë prej më shumë se 50 vitesh një qasje unike ndaj mirëqenies, me programet jetë-ndryshuese të detoksifikimit dhe trajtimeve revolucionare të kujdesit të lëkurës. Ekipi beson se çdo udhëtim shëndetësor është individual dhe si i tillë, çdo program është i përshtatur për nevojat tuaja të veçanta. Bëjini vetes një dhuratë ta paçmuar, duke përmbushur mendjen, trupin dhe shpirtin, vetëm në Portonovi.
Këto ishin vetëm disa nga arsyet që përse Portonovi duhet të jetë destinacioni i festave tuaja këtë fundvit, por shumë më shumë surpriza, darka Gala, e organizime të një standardi shumë të lartë ju presin.
Nëse dëshironi ta prekni vetë magjinë e këtij vendi me disa ditë të mbushura me argëtim apo romancë në çift, në Portonovi ju do të keni akses në restorantet elegante dhe në SPA-në e hotelit 'One & Only Poronovi', duke ju garantuar një përvojë të paharrueshme. Pavarësisht nëse jeni duke kërkuar disa ditë të mbushura me argëtim apo romancë në çift, Portonovi do t'ju garantojë një përvojë të paharrueshme. E sigurisht, për t'jua bërë këto festa edhe më të ëmbla nuk mund të mungonin ofertat. Përfitoni sa jeni në kohë nga uljet speciale për një arratisje dimërore që do të bëhet një nga kujtimet tuaja më të bukura. Oferta përfshin jo vetëm akomodimin në suitat luksoze, me mëngjes e parkim të përfshirë, por dhe një masazh relaksues 30 minuta për person. Kjo ofertë speciale "Winter Escape" fillon me vetëm 192 euro për natë dhe është e disponueshme deri në fund të muajit janar.
