Ata që kanë një punë zyre kalojnë pjesën më të madhe të orëve të ditës me kolegët se sa me njerëzit e familjes. Edhe pse ambienti i punës mund të marrë konotacione të familjes në rastin kur janë pak punonjës, duhet të kini parasysh të respektoni disa rregulla dhe të shmangni disa sjellje në të. Puna në zyrë përfshin respektimin e një niveli profesional, si në pikëpamjen e sjelljes edhe në atë estetike.
Më poshtë do të lexoni dhjetë gjëra që nuk duhet të bëni në ambientin e punës:
1.T’u përgjigjeni telefonatave private: Gjëja e parë që duhet të shmangni është t’u përgjigjeni telefonatave private, të cilave mund t’iu përgjigjeni qetësisht në një moment të dytë. Nëse telefonata është urgjente, këshillohet të largoheni nga ambienti i punës duke u kërkuar falje kolegëve për largimin për disa minuta.
2.Të flisni keq për kolegët tuaj: Nuk duhet të flisni absolutisht keq për kolegët tuaj duke menduar se, vështirë se fjalët nuk do t’u shkojnë në vesh. T’i besoni 100 për qind edhe kolegut më të besuar, nuk është një justifikim, kështu që, nëse ka gjëra që nuk ju pëlqejnë dhe të cilat nuk i toleroni, shmangni që të flisni në ambientin e punës. Por flisni me miq, jashtë ambientit të punës për të kërkuar një mendim.
3.Shmangni sjelljet provokuese: Duhet të shmangni sjelljet provokatore, pasi do të ishin shkaktare të problemeve të vështira në ambientin e punës dhe mund të prishte qetësinë dhe harmoninë në ambientin ku punoni.
4.Ndërprerja e bisedave mes kolegëve: Duhet të shmangni ndërprerjen e bisedave mes kolegëve – edhe nëse janë duke folur në telefon. Prisni ndonjë minutë – kështu nuk do të dukeshit të pasjellshëm duke ndërprerë një bisedë tjetër.
5.Mos u vishni në mënyrë joprofesionale: Veshja është shumë e rëndësishme në mjedisin e punës. Edhe nëse kolegët e tjerë mund të duket se vishen në një mënyrë jo profesionale, ky nuk është një justifikim që edhe ju të shkoni në punë për shembull me pantallona treçerekëshe. Të qenët formal është një detyrim në ambientin e punës.
6.Të bëheni të bezdisshëm: Duhet të shmangni të hyni në privatësinë e kolegëve të tjerë, pasi raportet personale nuk duhet të ngatërrohen me ato profesionale. Jashtë ambientit të punës mund të shkëmbeni biseda miqësore me kolegët tuaj, por përgjatë orëve të punës është mirë ta mbani larg jetën tuaj private.
7.Të mos respektoni hierarkitë: Respektimi i hierarkive është një prerogativë që duhet ta respektoni në ambientin e punës. Çdokush ka rolin e tij në punë dhe duhet të mendojë të bëjë sa më mirë punën e tij dhe të respektojë hierarkitë.
8.Të hiqni këpucët: Edhe pse keni përshkuar disa kilometra në këmbë për të arritur në punë, ndoshta me këpucë me taka të papërshtatshme, ky nuk është një justifikim për të hequr këpucët në ambientin e punës. Edhe pse keni “lejen” e kolegëve tuaj, hyrja e klientëve apo personave të ndryshëm mund t’ju bëjë të dukeni pak profesionalë. Më mirë vishni këpucë komode.
9.Të bëni tualet në vendin e punës: Nëse nuk keni kohë në shtëpi për të bërë tualet, mos e bëni atë në vendin e punës. Shkoni në tualet dhe përpiquni të mos qëndroni për gjatë, por bëni një tualet të lehtë për t’u dukur të paraqitshëm.
10.Të dremisni pas dreke: Edhe nëse jeni vetëm në zyrë, shmangeni dremitjen në tryezën e punës. Kjo mund të ndodhë veçanërisht pas pushimit të drekës. Për këtë këshillohet të pini një kafe se sa të bini në tundimin e dremitjes dhe të zbuloheni nga shefi juaj.
