Një studim ka zbuluar se mënyra më e mirë për t’i nxitur fëmijët të hanë ushqimin që nuk e pëlqejnë (pra pemët e perimet) është thjesht duke iu dhuruar atyre vazhdimisht ato ushqime.
Në eksperimentet e ndryshme të shkencëtarëve, fëmijët të cilëve iu ishte ofruar më shpesh të hanë perime, me kohën kishin qenë më të prirë t’i hanë ato.
Në fakt, ata kishin qenë më të prirë të hanë perime nëse kishin qenë vazhdimisht të ekspozuar ndaj tyre sesa fëmijët që ishin shpërblyer nga prindërit kur kishin ngrënë ushqime të tilla.
Mos të harrojmë se ushqimi i shëndetshëm sjell përfitime shëndetësore përgjatë tërë jetës suaj dhe të fëmijës.
Fëmijët që ushqehen shëndetshëm priren që gjatë tërë jetës së tyre të ushqehen njëjtë.
