Para se të kthehesh me ish-të dashurin lexo këtë artikull!

Life style

Para se të kthehesh me ish-të dashurin lexo këtë artikull!

Më: 11 maj 2018 Në ora: 22:31
Foto ilustrim

Mikja e ngushtë, familja, të gjithë po mundohen të të thonë se nuk ia vlen më, por ti e ke ndarë mendjen: do të rikthehesh me ish- in.

Përpara se ta bësh këtë, përpara se të marrësh një vendim të tillë, sepse në fund të ditës je ti ajo që zgjedh ç’është e mira për ty, ne dëshirojmë të ndalesh për pak, të harrosh gjithçka dhe t’i bësh vetes këto pesë pyetje:

1. “Përse u ndamë?”

Sado që të mundohesh t’i bësh bisht kësaj çështjeje, ti e di fare mirë se nuk mundesh. Është në favorin tënd të ulesh dhe të reflektosh. Kujtohu pak për ç’arsye erdhi ndarja juaj? Je e gatshme të përjetosh diçka të tillë sërish? Fundja nëse ndodhi një herë, ç’e ndalon të ndodhë sërish?

Analizoje situatën me kujdes dhe kupto nëse shkaktari i ndarjes është një veçori, ves, cilësi e jotja apo e partnerit dhe sa janë mundësitë për një ndryshim dhe fillim të ri.

2. “Mos jam thjesht, e vetmuar?”

Mos lejo vetminë apo mërzitjen të të mposhtin dhe aq më keq, të bëhen arsye e rikthimit tënd me të. Vetmia është e përkohshme, ama një marrëdhënie e keqe jo.

3. “Çfarë më pëlqen ende tek ai?”

Mendo pak për gjërat që t’i pëlqen (ose dashuron!) te ai. A ia vlejnë aq sa për t’u kthyer sërish me të? Janë vallë kaq unike sa ti nuk mund t’i gjesh tjetërkund?

4. “Çfarë lloj lidhjeje po kërkoj tani?”

Marrëdhënia që pate me ish- in të dha disa mësime të rëndësishme (për të mirë apo për të keq) rreth asaj se çfarë do të kërkosh në të ardhmen. Si është marrëdhënia ideale për ty tani dhe a është i aftë ish- i të të ofrojë një të tillë?

5. “Ç’ndryshime duhet të bëj nëse kthehem me të?”

Ti dhe ish- i u ndatë një herë, kështu që lidhja juaj nuk mund të vazhdojë ashtu siç ishte, ashtu siç ju e ndërtuat dikur sepse nuk funksionon.

Bëja të qarta vetes ndryshimet e reja që do duhet të bësh ti ose ai, në mënyrë që t’i diskutosh me të, por dhe të përgatitesh si dhe të qartësohesh mbi faktin sa e gatshme je për të ndryshuar.

Si mundemi ne të të ndihmojmë akoma më shumë?

Shiko, nëse e ndjen se do të flasësh me të fol, nuk të duhet një jetë me pengje. Ama në bisedë e sipër mos harro t’i bësh atij këto 4 pyetje, përgjigjja e të cilave do të bëjnë të kuptosh më shumë:

1. “Pse do të kthehemi bashkë?”

2. “Çfarë mendon se nuk eci me ne?”

3. “Si mund të komunikojmë më mirë , çfarë mund të bëjmë?’

4. “Ku e sheh në të ardhmen lidhjen tonë?”

Sot mund të lexoni Shfletoni kopertinat