Qëndroni pranë njerëzve që vetëm ankohen? Kujdes, pasi iu konsumojnë…

Life style

Qëndroni pranë njerëzve që vetëm ankohen? Kujdes, pasi iu konsumojnë…

Më: 20 korrik 2018 Në ora: 17:08
Ilustrim

Njerëzit të cilët gjithmonë ankohen, thithin energjinë tonë. Të gjithë kemi probleme. Ndodh që secili të ketë miqtë, familjen, madje edhe ata që gjithmonë konsiderohen me fat. Dhe ndodh që të gjithë këta njerëz të ndajnë me ne disa ankesa ose që disa nga shqetësimet e tyre janë të besuara tek ne.

Por kur përballemi me njerëz që dinë vetëm të ankohen, gjërat ndryshojnë dhe rrezikojmë t’i shfrytëzojmë të gjitha energjitë tona në përpjekje për t’i dëgjuar vazhdimisht. Të tregosh interesim dhe shqetësim për të tjerët është e drejtë, nganjëherë edhe e përkushtuar, por duhet të ketë kufij edhe nëse vendosja e tyre nuk është e lehtë.

Ne nuk duam që të dashurit të na konsiderojnë egoistë ose të pandjeshëm, por është e rëndësishme të mësojmë se si t’i identifikojmë njerëzit dhe situatat “toksike” për t’i parandaluar ata që të ndikojnë negativisht në jetën tonë.

Shmangia e ankesave të vazhdueshme është jetësore

Shumë herë, njerëzit që jetojnë në një gjendje të vazhdueshme pesimizmi, e shohin veten si viktima të situatës, por nuk bëjnë asgjë për të provuar dhe për të ndryshuar jetën e tyre. Sigurisht problemet e të tjerëve na shkaktojnë pakënaqësi dhe ne përpiqemi në çdo mënyrë që t’i ndihmojmë ata të kapërcejnë vështirësitë. Por me kalimin e kohës ne kuptojmë se vështirësia e këtyre njerëzve është një problem në vetvete, pra qëndrimi i tyre ndaj jetës.

Çfarë na ndodh kur dëgjojmë ankesat e vazhdueshme të dikujt

Njerëzit të cilët kanë zhvilluar një lloj varësie nga ankesat kanë aftësinë për të krijuar ndjenja të fajit dhe turpit në bashkëbiseduesit e tyre, të cilët shumë herë mund të “infektohen” nga errësira dhe pesimizmi i tillë. Në realitet, ata që ankohen nuk dëshirojnë të shpëtohen, ata vetëm kërkojnë që dikush t’i shoqërojë aty ku ata ndihen rehat dhe nga e cula nuk duan të dalin.

Ndjenjat si frustrimi, faji dhe trishtimi fillojnë të jenë të pranishme në jetën e këtyre njerëzve, duke shkaktuar ndryshime hormonale në tru dhe duke shkaktuar pasoja negative si:

Disbalancim emocional
Vështirësi në zgjidhjen e problemeve të tyre
Përkeqësim të përqendrimit
Mendime negative

Të vazhdoni t’i dëgjoni, nuk do të sjell asgjë poztive, sepse ata përdorin gjithë energjinë e tyre për t’u ankuar, në vend që të investojnë për të zgjidhur problemet e tyre. Nëse vini re se prania juaj nuk jell përmirësime, të paktën vendosni veten në një situatë më të sigurt.

Më poshtë janë 4 sjellje që na ndihmojnë të largohemi nga ata që vazhdimisht ankohen:

1- Mbani një distancë të shëndetshme

Kur e kuptojmë se këta njerëz po përpiqen të na manipulojnë me viktimizmin e tyre, ne duhet të mbajmë të paktën disa distanca për të mos u helmuar.

2- Jini të ndershëm në lidhje me këtë duke shpjeguar qëndrimin tuaj

Disa njerëz mësojnë vetëm nëpërmjet sinqeritetit. Pra, nëse keni arritur kufirin tuaj, jini të sinqertë duke komunikuar atë që mendoni për qëndrimin e tyre. Mundohuni të mos thithni problemet personale të atij personi. Të gjithë jemi përgjegjës për jetën tonë.

3- Mos tregoni dobësi

Mos harroni: shumicën e kohës, ju keni të bëni me një manipulator. Në këtë mënyrë, është jetësore të qëndroni seriozisht dhe të vendosur në pozitën tuaj. Me siguri ju do të ndieni keqardhje për personin në fjalë, por mbani kontrollin dhe transferoni përgjegjësinë e jetës së tij në duart e tij.

4- Vendosni kufijtë

Ju keni të drejtë për hapësirën tuaj personale. Jeni ju që duhet të përcaktoni kufijtë, hapësirën dhe kohën për t’u kushtuar ankesave, mos lejoni që dhembshuria juaj të humbasë kontrollin.

Nëse është e nevojshme, jepini fund situatës. Në fund të fundit, përgjegjësia për t’u kujdesur për shëndetin emocional dhe mendor është personale, nuk mund t’u besohet të tjerëve, por specialistëve që mund të ndihmojnë në mënyrën më korrekte dhe më të përshtatshme.

A njihni njerëz që ankohen vazhdimisht? Mos lejoni që ju të ndikoheni nga negativiteti i tyre! Ndiqni hapat e mësipërm dhe kujdesuni për cilësinë e jetës tuaj!

Sot mund të lexoni Shfletoni kopertinat