Policia njofton se sot ka shpëtuar një person i cili kishte rënë në ujërat e Vardarit.
“Me datë 05.02.2022 në ora 12:45 pas marrjes së njoftimit në SPB Shkup se në rrjedhën e lumit Lepenc në lumin Vardar kishte rënë një person në ujë, janë ndërmarrë masa dhe aktivitete të menjëhershme dhe personi është nxjerrë (shpëtuar) nga uji nga policët e stacionit policorë në Karposh.
Më vonë u konstatua se bëhet fjalë për një 64-vjeçar nga Shkupi, i cili më parë ishte hedhur në lumë, ndërsa përndryshe është pacient në spitalin e Bardovcit.
Ai është transferuar në spitalin “8 Shtatori” nga Shërbimi i Urgjencës Mjekësore”, njoftojnë nga MPB.
