Besimtarët katolikë dhe protestantë dhe një pjesë e të krishterëve ortodoksë, të cilët ndjekin kalendarin gregorian, sot e shënojnë Lindjen e Krishtit – Krishtlindjet.
Krishtlindjet sot i festojnë edhe Patriarkana Ekumenike dhe kishat ortodokse në Greqi, Bullgari, Rumani, Ukrainë dhe Gjeorgji, të cilët kanë pranuar kalendarin gregorian. Pjesa tjetër e botës ortodokse, e cila ndjek kalendarin julian, mes të cilave edhe Kisha Ortodokse Maqedonase – Dioqeza e Ohrit, Kisha Ortodokse Serbe, Patriarkana e Moskës dhe Jerusalemit, Krishtlindjet do t’i festojnë më 7 janar.
Në mesazhin e Krishtlindjeve ipeshkvi i Shkupit dhe Eparkia e Strumicë-Shkupit, imzot Kiro Stojanov, theksoi se beson se në këtë kohë do të ishte ngushëlluese për të gjithë ne të dëgjojmë thirrjen e shumë popujve që të ndjekin rrugën e paqes, madje edhe nëse do të mund të dalin nga goja e atyre që mbajnë armën e fuqisë në duart e tyre.
Ai shtoi se në ditët e sotme tonet e tilla janë gjithnjë e më pak edhe pse ndoshta janë, ato janë aq të dobëta saqë mezi dëgjohen, ndërsa jemi dëshmitarë se të fuqishmit e botës po sillen gjithnjë e më shumë si zotëri të këqij mbi këtë planet të brishtë të rrënuar nga shumë luftëra dhe trazira.
