Një grua tridhjetë e një vjeçare nga Koçani ka raportuar në polici se dy persona e kanë futur me forcë vajzën e saj të mitur në një automjet me targa të Shtipit.
Megjithatë, pas një kohe ajo ka arritur të arratiset dhe të kthehet në shtëpi, ndërsa nëna e ka raportuar rastin në stacionin policor në Koçan gjatë natës.
“Me datë 05.01.2023 në ora 03:00 në Stacionin Policor të Koçanit, një grua 31 vjeçare nga Koçani ka raportuar se me datë 04.01.2023 rreth orës 18:00 në Koçan dy persona me dhunë kanë marrë bijën e saj të mitur dhe e kanë futur në veturë me targa të Shtipit, nga ku pas një kohe ka mundur të arratiset dhe është kthyer në shtëpi”, njoftojnë nga MPB.
Për ngjarjen është njoftuar Prokurori Publik, ndërsa po merren masa për zbardhjen e rastit.
