Kryetari i OBRM-PDUKM-së, Hristijan Mickoski ende nuk ka ftesë zyrtare për takimin e liderëve me kryeministrin Dimitar Kovaçevski, të cilën e ka bërë të ditur përmes mediave. Ai tha se nuk dihet as agjenda dhe as formati i takimit të mundshëm.
Sipas Mickoskit, në atë takim duhet të diskutohet se çfarë do të ndodhë pas dështimit të amendamenteve kushtetuese, sepse grupi parlamentar i OBRM-PDUKM-së dhe koalicioni nuk do t’i mbështesin. Ai beson se duhet diskutuar, sepse ne nuk mund ta mbyllim shtetin.
“Ajo që është e rëndësishme të thuhet është se deri në këtë moment ne si parti politike nuk kemi marrë ftesë zyrtare nga Dimitar Kovaçevski. As nuk kemi një agjendë sipas së cilës do të diskutohet, as nuk kemi një format të propozuar zyrtarisht se kush do të ishte aty në atë mbledhje të liderëve.
Ajo që është e rëndësishme të thuhet është se nëse nuk kalojnë ndryshimet kushtetuese, të cilat janë paraparë nga qeveria e BDI-së e mbështetur nga LSDM-ja. Kjo është shumë e rëndësishme të thuhet dhe duhet të shohim se çfarë plani po shkon përpara, sepse ne nuk mund ta mbyllim vendin, nuk mund ta mbyllim Maqedoninë dhe të mos dimë se çfarë do të ndodhë nëse dështojnë”, tha Mickoski.
