Ministria e Shëndetësisë bën të ditur po i kuptojnë plotësisht Shoqatat e Diabetikëve me të cilët është në kontakt të vazhdueshëm.
“Ne jemi absolutisht në të njëjtën anë në këtë rast dhe po bëjmë çdo përpjekje për të korrigjuar mosveprimet e udhëheqjes së mëparshme të Ministrisë së Shëndetësisë, e cila u vonua me të gjitha procedurat dhe nuk ndoqi rekomandimet e Komisionit për të filluar procedurën në kohën e duhur”, thuhet në njoftimin e Ministrisë së Shëndetësisë.
Ata shtojnë se që nga dita e parë ministri Mexhiti ka qenë ne komunikim me Shoqatat dhe pacientët dhe ka evidentuar në mënyrë transparente problematikat e trashëguara dhe arsyet e zgjatjes së prokurimit.
“Shoqatat në fillim të javës së ardhshme do të thirren përsëri për një takim, dhe edhe një herë do të diskutohet bashkarishtë situata dhe do të informohen për procedurat që po zhvillohen aktualisht për prokurimin e terapisë së nevojshme. Paditë nuk janë një zgjidhje dhe as nuk ka nevojë për to sepse ministria është partnere me shoqatat, por nëse ata tashmë kanë vendosur të padisin, ajo duhet t ‘i drejtohet udhëheqjes së mëparshme që krijoi problemet që ministria po përpiqet të kapërcejë sot”, thonë nga Ministria e Shëndetësisë.
Ata bëjnë thirrje për vetëpërmbajtje dhe mirëkuptim sepse, siç thonë nga MSH, po bëhet absolutisht gjithçka në kompetencë të ministrisë, duke respektuar procedurat dhe afatet ligjore nga të cilat thjesht nuk mund të devijojmë.
