Kryetari i Lëvizjes Besa, Bilall Kasami është i bindur që edhe ftesa ndaj tij për t’u paraqitur në gjykatë për ngjarjet që karakterizuan vizitën e kryeministrit të Kosovës Albin Kurti dy javë më parë, është e orkestruara nga partitë shqiptare në pushteti. Kasami thotë se presionet nuk do ta frikësojnë.
“Ftesa edhe ndaj meje edhe ndaj kryetarit të Çairit është bërë me kërkesë të dhe dirigjim të tyre.
Ata po mundohen që t’i shfrytëzojnë të gjithë mekanizmat që u ofron pushteti për të frikësuar qytetarët përmes frikësimit që jua bëjnë kryetarëve të dy komunave kryesore të shqiptarëve në Maqedoni të Veriut por edhe një herë po e përsëris që ka kaluar koha e krizës dhe tani më qytetarët janë të përcaktuar që pas njëzet viteve të një pushteti të dështuar të BDI-së të bëjnë ndryshime”, deklaroi Bilall Kasami, kryetar i Komunës së Tetovës.
I pyetur se a është paraqitur në stacionin policor, Kasami tha se nuk ka pasur kohë të shkoj.
