Kryetari i Aleancës për Shqiptarët, Arben Taravari tha se nuk mendon që Nikolla Gruevski do të kthehet në Maqedoni pas ndryshimeve në Kodin Penal, pasi që këto ndryshime nuk e amnistojnë atë sepse ai ka shumë lëndë.
Arben Taravari për “Alsat” tha se nëse Gruevski kthehet në Maqedoni për ndonjë arsye tjetër, Aleanca për Shqiptarët do ta shqyrtojë atë.
“Nuk mendoj se Gruevski kthehet edhe pse para disa ditëve nuk kisha informata të sakta, por tash kam informata të sakta domethënë se me ndryshimet të cilat janë bërë në Kodin Penal nuk e amnistojnë Nikolla Gruevskin. Ai ka plot lëndë kështu që ky ndryshim që bëhet në Kodin Penal nuk do jetë arsyeja për t’u kthyer Nikolla Gruevski.
Nëse bëhet arsye diçka tjetër, ajo është punë tjetër dhe në atë rast përsëri Aleanca për Shqiptarët do ta shqyrton në radhët e veta si vazhdon më tutje”, u shpreh Arben Taravari, kryetar i Aleancës për Shqiptarët.
